Lakeshore Entertainment_მა სულ ცოტა ხნის წინ დაარელიზა თავისი ახალი ფილმის სხვა სამყარო: გამოღვიძება (Underworld: Awakening) პრემიერის თარიღი, ფილმი დიდ ეკრანებზე 2012 წლის 20 იანვარს გამოვა. ფილმს შვედი რეჟისორები მანს მარლინდი (Måns Mårlind) და ბიორნ სტეინი (Björn Stein) გადაიღებენ, სწორედ ამ ორი რეჟისორის გადაღებულია ფილმები: თავშესაფარი (Shelter) და შტორმი (Storm). მთავარ როლს კვლავ ქეით ბეკინსეილი (Kate Beckinsale) ითამაშებს, რომელიც ცნობილია ფილმებიდან: პერლ ჰარბორი (Pearl Harbor), ავიატორი (The Aviator), თეთრი ბურუსი (Whiteout),ვან ჰელსინგი (Van Helsing) და ასე შემდეგ.

ფილმი, ისევე როგორც პირველი ორი ნაწილი ვითარდება ვამპირი სელენას ირგვლივ, რომელიც 15 წლიანი კომის შემდეგ იღვიძებს. მალე ის აღმოაჩენს, რომ ჰყავს 14 წლის გოგონა ნისა, რომელიც არის ჰიბრიდი – ნახევრად ვამპირი და ნახევრად ლიკანი. სელენას მოუწევს, რომ შეაჩეროს კომპანია ბიოქომი, რომელიც ცდილობს რომ შექმნას სუპერ ლიკანი, რომელიც დედამიწაზე ყველა ვამპირს და ყველა სხვა ლიკანს გაანადგურებს. ჯერ-ჯერობით სულ ეს არის, რაც სხვა სამყაროს შესახებ ვრცელდება.

შეგახსენებთ რომ ეს არის რიგით მეოთხე ფილმი, პირველი ნაწილი  - სხვა სამყარო (Underworld)სხვა სამყარო: ევოლუცია (Underworld: Evolution), 2009 გამოვიდა ფილმის ფრიქველი სხვა სამყარო: ლიკანების აჯანყება (Underworld: Rise of the Lycans), სადაც მოვლენები მთელი საუკუნით ადრე ვითარდებოდა და სელენა მაშინ ჯერ დაბადებულიც კი არ იყო. მეოთხე ნაწილი კი კვლავ ჩვენს დროში და კვლავ სელენას ირგვლივ ვითარდება.